ਦਿਲਬਾਗ ਵਿਰਕ ਦੀ ਇੱਕ ਗਜ਼ਲ

ਤੂੰ ਹੈਂ ਦਰਦਾਂ ਦੀ ਦਵਾ ਸੱਜਣ
ਮੁੜ ਵਤਨੀਂ ਫੇਰਾ ਪਾ ਸੱਜਣ .

       ਤਰਸ ਗਈਆਂ ਨੇ ਬਾਹਾਂ ਮੇਰੀਆਂ

       ਆ ਇਕ ਬਾਰੀ ਗਲ ਲਾ ਸੱਜਣ .

ਆਸਾਂ ਦੀ ਡੋਰ ਏਨੀ ਕੱਚੀ ਨਹੀਂ

ਮੇਰੀ ਇਹ ਸੋਚ ਪੁਗਾ  ਸੱਜਣ .

     ਦਿਨ ਚੜ੍ਹਦੇ ਹੀ ਦੇਖਾਂ ਮੁੰਹ ਤੇਰਾ

      ਰੋਜ਼ ਕਰਾਂ ਮੈਂ ਇਹੋ ਦੁਆ ਸੱਜਣ .

ਪਲ-ਪਲ ਕਰਕੇ ਉਮਰ ਬੀਤ ਰਹੀ

ਵਕ਼ਤ ਕਰੇ ਨਾਂ ਕਦੇ ਵਫ਼ਾ ਸੱਜਣ .

     ਸਾਹਾਂ ਨਾਲ ਸਾਹ ਲੈਣ ਦਾ ਵਾਅਦਾ ਸੀ

        ਨਾਂ ' ਵਿਰਕ ' ਨੂੰ ਝੂਠਾ ਬਣਾ ਸੱਜਣ .
                         ******

 
ਲੇਖਕ ਬਾਰੇ:                                          

ਨਾਂ  : ਦਿਲਬਾਗ ਵਿਰਕ
ਜਨਮ: 23/10/1976
ਸਥਾਨ: ਪਿੰਡ ਮਸੀਤਾਂ, ਸਿਰਸਾ

ਅਜੋਕਾ ਨਿਵਾਸ: ਸਿਰਸਾ (ਹਰਿਆਣਾ )

ਸਿੱਖਿਆ:ਐਮ .ਏ.ਹਿੰਦੀ, ਇਤਿਹਾਸ, ਬੀ.ਐਡ., ਗਿਆਨੀ, ਸਰਟੀਫੀਕੇਟ ਇਨ ਉਰਦੂ
ਕਿੱਤਾ: ਲੈਕਚਰਰ - ਇਨ-ਹਿੰਦੀ

 ਲਿਖਣ ਦੀ ਵਿਧਾ: ਗਜ਼ਲ, ਕਵਿਤਾ ਤੇ ਹੋਰ ਰਚਨਾਵਾਂ

 ਪੁਸਤਕਾਂ : 2005 ਵਿੱਚ ਗਜ਼ਲਾਂ ਦੀ ਪੁਸਤਕ " ਚੰਦ ਆਂਸੂ ਚੰਦ  ਅਲਫ਼ਾਜ਼"

 2008 ਵਿੱਚ ਹਰਿਆਣਾ ਸਾਹਿਤ ਅਕਾਦਮੀ ਪੰਚਕੂਲਾ ਵਲੋਂ ਕਵਿਤਾਵਾਂ ਦੀ ਪੁਸਤਕ ' ਨਿਰਣਿਆ ਕੇ ਛਣ' ਪ੍ਰਕਾਸ਼ਿਤ ।